Հայկական ԱԷԿ-ի վերանորոգման աշխատանքներին առավելագույն ներգրավված կլինեն հայկական ընկերություններ։ Այս մասին փետրվարի 3-ին՝ խորհրդարանում կառավարական ժամի ընթացքում, ասել է ՀՀ էներգետիկայի եւ բնական պաշարների նախարար Երվանդ Զախարյանը։
Նա հիշեցրել է, որ Հայաստանի ԱԷԿ-ը պլանային վերանորոգման նախապատրաստելու աշխատանքներն արդեն տարվում են։ Դրանք կավարտվեն 2017թ. մայիսին։ Կապիտալ վերանորոգումը կընթանա 2 փուլով՝ 2017 եւ 2018 թթ.-ին, 3-4 ամսով։ Աշխատանքները ղեկավարելու է «Ռոստաոմ» ռուսական պետական ընկերությունը։
«Իհարկե հիմնական հարցը ատոմակայանի անվտանգությունն է, սակայն հնարավորինս կապահովվի հայկական ընկերությունների մասնակցությունը»,- ասել է նախարարը։