Ադրբեջանական հանրությունը վաղուց արդեն չի հավատում սեփական Պաշտպանության նախարարությանը:
Դա զարմանալի չէ, եթե հաշվի առնենք ակնհայտ ապատեղեկատվության այն ծավալը, որը հարեւան երկրի պաշտպանական գերատեսչությունը փորձում է պարտադրել իր քաղաքացիներին:
Ադրբեջանական հանրության ներկայացուցիչներն արդեն չեն թաքցնում Պաշտպանության նախարարության կեղծ հաղորդագրություններին իրենց վերաբերմունքը: Այսպես, հայկական կողմի իբր կորուստների մասին գերատեսչության` minval.az-ում հրապարակված տեղեկության տակ ադրբեջանցի օգտատերերի հեգնական մեկնաբանություններ են հայտնվել: Ուղղագրությունը եւ կետադրությունը պահպանված են:
Այսպես, Bozqurd Sonuna Qədər Türk օգտատերը գրում է.
«Հայերի ի՞նչ դիվերսիոն գործողություններ??? Ի՞նչ է խոսում մեր ՊՆ-ն??? Հայերը նստած են իրենց խրամատներում, գլուխները դուրս չեն հանում....Իսկ նրանց կորուստների մասին մեր տվյալները դատարկ բառեր են, քանի դեռ հայերը չեն հայտարարել իրենց սպանվածների մասին»: Pisatel Chitatel օգտատերը հավելում է. «հագգին.ազ-ում խոսվում էր երեք սպանված հայի մասին, իսկ էստեղ երեք էլ են ավելացրել: Հարց բարձր դասարանցիների համար որքան սպանված հայ կլինի դայ.ազ-ում:-)))))».