ՀՀ օմբուդսմենի թեկնածուների թվում քննարկվում է նաեւ Արման Թաթոյանի թեկնածությունը։ Այս մասին փետրվարի 4-ին լրագրողներին ասել է ՀՀԿ խմբակցության ղեկավար Վահրամ Բաղդասարյանը։
«Նրա թեկնածությունը նույնպես դիտարկվում է, ի թիվս այլոց։ Վաղը՝ մեր խմբակցության նիստում, կքննարկենք թեկնածուների առաջադրման հարցը»,- ասել է նա։
Հարցին, թե ինչպես է վերաբերվում ՀԱԿ պատգամավոր Գագիկ Ջհանգիրյանի թեկնածությանը, նա պատասխանել է. «Ես գնահատում եմ նաեւ նրա հնարավորությունները»։
