Սահմանադրական փոփոխություններից հետո ընդդիմության դիրքերն ուժեղացնելու  մասին իշխանության խոստումները բլեֆ են։ Այս մասին փետրվարի 5-ին խորհրդարանական ճեպազրույցների ժամանակ, ասել է ՀԱԿ խմբակցության ղեկավար Լեւոն Զուրաբյանը։

Նրա խոսքով՝ հայտարարություններ էին հնչում, թե Սահմանադրությունը փոխվում է, որպեսզի ընդդիմությունը իշխանության հետ մասնակցի որոշումներ կայացնելու գործընթացին։ «Թե ինչ արժեն այդ բառերը, մենք տեսանք այն ժամանակ, երբ իշխանությունը ճնշում էր գործադրում նախկին օմբուդսմեն Կարեն Անդրեասյանի վրա, եւ հիմա, երբ շարունակում է ճնշումը՝ իր համար ցանկալի մարդու նշանակելու նպատակով։ Բոլոր հարցերը նախկինի պես լուծում է Սերժ Սարգսյանը իր ՀՀԿ-ի հետ»,-ասել է Զուրաբյանը։

Նա հավելել է, որ դեռեւս պաշտոնապես չի որոշվել, թե ում թեկնածությունն է պաշտպանելու ՀԱԿ-ը։