Գլենդելում հայ փաստաբան Արմեն Թաշճյանն իրեն մեղավոր չի ճանաչում հացի փռի սեփականատիրոջ եղբորից 2 մլն դոլարի չափով գումար շորթելու փորձի մեջ, որը կասկածվում է փաստաբանի երկու հաճախորդների դեմ հարձակման մեջ: Այս մասին գրում է Los Angeles Times-ը:
Արմեն Թաշճյանը ներկայացնում էր 2014 թվականի ապրիլին Հյուսիսային Հոլիվուդում տեղի ունեցած միջադեպի երկու զոհերի շահերը:
Գլենդելի հայտնի Papillon International Bakery-ի սեփականատեր Հակոբ (Ջեք) Թորոսյանը վիճաբանության մեջ է եղել եղբայրներից մեկի՝ Հարութ Փիթիլչյանի հետ: Վեճի պատճառը հանդիպումից ուշացումն է եղել: Այն ավարտվել է հրաձգությամբ, ինչի հետեւանքով երեք հոգի հրազենային վիրավորում է ստացել: