Թայվանում ուժեղ երկրաշարժի հետեւանքով 29 մարդ է զոհվել: Սինխուա գործակալության փոխանցմամբ, 27 զոհի մարմին գտել են Թայնան քաղաքի 17 հարկանի բնակելի շենքի փլատակների տակ:
Փրկարարները փորձում են փրկել եւս 120 մարդու, որոնք դեռեւս փլատակների տակ են: Փրկարարական գործողությանն ավելի քան 600 մարդ է մասնակցում:
Ըստ ՌԻԱ Նովոստիի, ԱՄՆ Երկրաբանական ծառայությունը փոխանցել է, որ 6.4 մագնիտուդով երկրաշարժը տեղի է ունեցել փետրվարի 6-ին, Թայվանի հարավում: Ամենաշատը տուժել է Թայնան քաղաքը:
