Ամերիկյան Միսսիսիփի նահանգի Փասս Քրիսչեն քաղաքում կաթոլիկ բարեկենդանի՝ Մարդի Գրայի առթիվ կազմակերպված շքերթի ավարտից անմիջապես հետո հրաձգություն է տեղի ունեցել :
Անհայտ անձինք երկու մարդու են սպանել ու չորսին վիրավորել:
Շքերթին մոտավորապես 50 հազար մարդ էր մասնակցում: Ինչպես հայտնում է ՏԱՍՍ-ը՝ վկայակոչելով տեղական իշխանություններին, տուժածներին հիվանդանոց են տեղափոխել: Ոստիկանությունը որոնում է չարագործներին: Միջադեպի վայրում տասնյակ իրավապահներ են աշխատում:
Մարդի Գրայի տոնակատարությունն ավանդաբար ԱՄՆ հարավային նահանգներում մոտավորապես մեկ շաբաթ է տեւում: Այդ ժամանակահատվածում շքեղ երթեր են կազմակերպվում, որոնց հազարավոր զբոսաշրջիկներ են մասնակցում: