ԻՊ-ի դեմ պայքարում ԱՄՆ ամենաարդյունավետ դաշնակից Սիրիայի քրդերի նկատմամաբ Թուրքիայի աճող թշնամանքը սիրիական հակամարտության քաղաքական կարգավորման ճանապարհին հիմնական խոչընդոտն է։ Այս մասին գրում է Wall Street Journal-ը՝ վկայակոչելով ամերիկացի պաշտոնյաներին։

Թուրքիան ամերիկյան իշխանություններին մշտապես վստահեցում է, որ Սիրիայի քրդերը ԱՄՆ-ից ստացվող զենքը տրամադրում են Քրդական բանվորական կուսակցության ապստամբներին։ Ամերիկացի պաշտոնյաներն իրենց հերթին հայտարարում են, որ ստուգել են Թուրքիայի այդ հայտարարությունները եւ դրանց ապացույց չեն գտել։

Անկարան պնդում է, որ իր տնօրինության տակ գտնվող հետախուզական տվյալները վկայում են այն մասին, որ քրդերն ապօրինի ճանապարհով Քոբանիում իրացնում են ամերիկյան արտադրության զենքը, որը 2014թ. քրդերին էին նետել ԱՄՆ ՌՕՈւ օդանավերը՝ ԻՊ-ի դեմ պայքարի համար։

Այդ վիճելի հարցը քննարկվել է նաեւ ԱՄՆ փոխնախագահ Ջո Բայդենի՝ Թուրքիա կատարած այցի ժամանակ։ Անկարան հասկացնել է տվել, որ PKK-ին զենքի մատակարարումներն անընդունելի են։

Թուրքիայի եւ ԱՄՆ-ի միջեւ հարաբերություններում տարաձայնություններն ի հայտ էին եկել այն բանից հետո, երբ ամերիկյան հրահանգիչների էլիտար խումբը մեկնել էր Սիրիայի քրդերին մարզելու։

Թերթը նշում է, որ Թուրքիայի նախագահ Ռեջեփ Թայիփ Էրդողանը կտրուկ դատապարտել է երկու շաբաթ առաջ ԱՄՆ նախագահի հատուկ ներևկայացուցիչ Բրեթ Մաքգուրքի այցը Քոբանի, փոխանցում է «ՌԻԱ Նովոստի»-ն։