Ռուս-թուրքական հարաբերությունենրի ճգնաժամից ամենաշատը կտուժեն Թուրքիայի Անթալիա հանգստավայրն ու հարեւան նահանգները: Այս մասին «ՌԻԱ Նովոստիին» տված հարցազրույցում հայտնել է Թուրքիայում Ռուսաստանի դեսպան Անդրեյ Կարլովը:
«Անթալիան ու հարեւան նահանգները ամենաշատն են տուժելու մեր հարաբերությունների ներկա վիճակից: Մի կողմից սա զբոսաշրջության կենտրոն է, իսկ մյուս կողմից էլ՝ գյուղատնտեսական արտադրանքը հիմնականում այս նահանգներից էր Ռուսաստան մատակարարվում: Մենք Թուրքիայից մոտավորապես 1 մլրդ դոլարի գյուղարտադրանք էինք գնում, ու մեր առեւտրի ծավալը այս կետով մշտապես աճում էր: Իսկ հիմա թուրքական գյուղապրանքների գնումները սահմանափակումների ցանկում են հայտնվել»,- ասել է նա
Կառլովը ներկայացրել է Turkish Social, Economic and Political Research Foundation թուրքական հետազոտական ինստիտուտի վերջին տվյալները, որոնց համաձայն Ռուսաստանի հետ հարաբերությունների վատացման հետեւանքով Թուրքիան 11 մլրդ դոլար կկորցնի: