Ուկրաինացի զինվորները կարող են նվաճել ողջ Ռուսաստանը, եթե նրանց ժամանակակից ամերիկյան զենք տրամադրեն։ Ուկրաինական «24» հեռուստաալիքին տված հարցազրույցում նման հայտարարություն է արել Օդեսայի նահանգապետ Միխայիլ Սահակաշվիլին։
«Ուկրաինայի գլխավոր խնդիրը հնացած հակատանկային զենքն է։ Սակայն ԱՄՆ-ում կա ավելի նորը, եւ եթե նրանք դա տրամադրեն, եւ Ուկրաինան պայթեցնի առաջին 50 ռուսական տանկերը, ամեն բան այլ կերպ կլինի»,- ասել է Սահակաշվիլին։
Նրա խոսքով՝ ուկրաինացի զինվորների ոգին աշխարհում լավագույնն է, եւ եթե նրանց անհրաժեշտ գիտելիք, հմտություններ եւ զենք տան, նրանք կարող են գրավել եւ ողջ Ռուսաստանը։