Իրանը հավերժ վտանգ է ներկայացնում ԱՄՆ ազգային շահերին: Այս մասին ԱՄՆ Կոնգրեսում ներկայացրած հաշվետվությունում հայտարարել է ամերիկյան ազգային հետախուզության ղեկավար Ջեյմս Քլեփերը:
Ամերիկյան հատուկ ծառայությունների տեսանկյունից, «Թեհրանն իրեն դիտարկում է որպես «դիմակայության առանցքի» ղեկավար, որում ներառված են Ասադի ռեժիմը եւ... Իրանի հետ կապ ունեցող խմբավորումներ, առաջին հերթին՝ լիբանանյան «Հըզբոլլահ»-ը եւ իրաքյան շիա զինյալները»:
«Նրանք մտադիր են խափանել ԱՄՆ-ի, Սաուդյան Արաբիայի եւ Իսրայելի ազդեցությունը, սատարել իրենց դաշնակիցներին եւ պայքարել ԻԼԻՊ-ի ընդլայնման դեմ»,- ասված է զեկույցում:
Ըստ ՏԱՍՍ գործակալության, ամերիկյան հետախուզության ղեկավարը նշել է, որ «2015 թվականին Իրանն ավելի խորը մխրճվեց Սիրիայի, Իրաքի եւ Եմենի հակամարտություններում»: Բացի այդ, «Իրանն ընդլայնել է տարածաշրջանում Ռուսաստանի հետ համագործակցությունը»:
Հաշվետվության համաձայն, Իրանի ղեկավար եւ հոգեւոր առաջնորդ Ալի Խամենեին «շարունակում է ԱՄՆ-ն դիտարկել որպես սպառնալիք» իր երկրի համար:
