Անկարայում ԱՄՆ դեսպան Ջոն Բասսը հրավիրվել է Թուրքիայի ԱԳՆ այն  բանից հետո, երբ Վաշինգթոնում հայտաարարել էին, որ Սիրիայի քրդերի կուսակցությանն ահաբեկչական չեն համարում։ Այս մասին հայտնում է Reuters-ը՝ վկայակոչելով Թուրքիայի ԱԳՆ ներկայացուցչին։

Լրագրողների տեղեկություններով՝ Թուրքիայի ԱԳՆ-ում ամերիկացի դիվանագետին դժգոհություն են հայտնել Սիրիայի քրդերի հարցում ԱՄՆ դիրքորոշման կապակցությամբ, որը ներկայացրել էր Պետդեպի պաշտոնական ներկայացուցիչ Ջոն Քիրբին, փոխանցում է RG-ն։

ԱՄՆ Պետդեպում հաստատել են դեսպանին Թուրքիայի ԱԳՆ հրավիրելու փաստը եւ նշել են, որ մտադիր չեն փոխել քրդերի հարցում իրենց դիրքորոշումը։

Հիշեցնենք, որ ավելի վաղ ԱՄՆ Պետդեպը հայտարարել էր, որ Սիրիայի քրդերի կուսակցությանն ահաբեկչական չի համարում, իսկ նրա անդամները ԻՊ-ի դեմ պայքարի արդյունավետ մարտիկներն են։