Խորհրդային Հայաստանի ժամանակներից Արարատյան դաշտում եռակի պակասել են ստորգետնյա ջրերի հավաքման համար բարենպաստ մակերեսները։ Նման տվյալներ են ներկայացվել փետրվարի 10-ին՝ Արարատյան դաշտի ստորգետնյա ջրերի կառավարման վերաբերյալ USAID ծրագրի (ASPIRED) ներկայացման ժամանակ։

Ինչպես ասել է ծրագրի ղեկավար Մագդա Ավետիսյանը, եթե 1983թ. առանց պոմպի ստորգետնյա ջրերը էին ստանում մոտավորապես 32.8 հազար հա ունեցող տարածքից, ապա 2014թ.՝ միայն 10.7 հազարից։

Շատ դեպքերում ջրի հորիզոնի բարակելուն նպաստել է առանց համակարգման ձկնաբուծական տնտեսություններ բացելը եւ ջրի անկառավարելի կուտակումը։ 1983թ. ստորգետնյա ջրերի օգտագործման ծավալը կազմել է վայրկյանում34.7 խ/մ։ Այդ ժամանակ էլ որոշվել է, որ Արարատյան դաշտի ստորգետնյա ջրերի ավազանը կարող է դիմանալ ոչ ավելի, քան 34.6 խ/մ ծավալի, հակառակ դեպքում ջուրը կսկսի պակասել։

2007թ. ջրօգտագործման ընդհանուր ծավալը կազմել է վայրկյանում 36.5 խ/մ, որից 12.7-ը՝ ձկնաբուծարաններին։ 2013թ. սպառման ծավալը կազմել է 55.6, այդ թվում՝ ձկնաբուծարանների համար՝ 35.5 խ/մ, իսկ 2014թ.՝ 80 եւ 60.7 խ/մ։

«Այդ պատճառով շատ կարեւոր է հասկանալ, թե որքան ջուր կարող է մարդուն  տալ Արարատյան դաշտի ստորգետնյա ավաանը։ Այց հարցի պատասխանը կփորձի տալ նոր ծրագիրը»,- հավելել է Մագդա Ավետիսյանը։