«Ռոսնեֆտ» ռուսական նավթային պետական ընկերության նախագահը հնարավոր է համարում, որ նավթի գինը կնվազի մինչեւ մեկ բարելի դիմաց 10 դոլար, փոխանցում է RNS-ը։
«Պետք է ընդունենք, որ մենք թերագնահատել ենք այն փաստը, որ շուկայի ֆինանսական մասնակիցները իրենց ֆինանսական խնդիրները լուծելիս կանգ չեն առնում սահմանափակումների առաջ եւ պատրաստ են փորձել ցանկացած գնային մակարդակներ՝ հունվարին 27 դոլարից մինչեւ ընդհուպ բարելի դիմաց 10 դոլարը, ինչպես այդ մասին հայտնեց հեղինակավոր կառույցներից մեկը։ Ի՞նչ է դա, եթե ոչ հրավեր՝ անպատասխանատու կերպով խաղալու ոչնչով չսահմանափակվող նավթի գների հետ»,- դժգոհություն է հայտնել «Ռոսնեֆտի» ղեկավարը։
Նա նաեւ նշել է, որ ֆինանսական շուկան ապրում է իր շահերով, եւ նրան չի հետաքրքրում ոլորտի կայուն զարգացումը։