Եվրամիությունը նման է «Տիտանիկ»-ի վրա նվագող նվագախմբի: Bloomberg-ի փոխանցմամբ, այս մասին հայտարարել է Իտալիայի վարչապետ Մատեո Ռենցին:
«Մենք արդեն իրականացրել ենք մեր բարեփոխումները եւ ԵՄ-ի մեր գործընկերներին կարող ենք ասել. ընկերներ, մենք կարող ենք փոխել այդ սխալ բյուրոկրատական մոտեցումը»,- ասել է Ռենցին:
Ըստ Gazeta-ի, իտալացի պաշտոնյան նաեւ ընդգծել է, որ եվրոպական առաջնորդները հստակ ռազմավարություն չունեն: Նա ԵՄ-ին խորհուրդ է տվել ավելի ռացիոնալ օգտագործել ռազմական եւ ֆինանսական հնարավորությունները: Խոսքը, մասնավորապես, Ռուսաստանի հետ հաշտեցման, Լիբիա զորքեր ուղարկելու եւ սոցիալական կարիքների համար բյուջետային սահմանափակումները վերացնելու մասին է:
Հիշեցնենք, որ ավելի վաղ ԱՄՆ պետքարտուղար Ջոն Քերրին ժամանակակից արեւմտյան աշխարհը համեմատել էր գլոբալ «Տիտանիկի» հետ:
