Երեւանի «Նավավար» գինետանն այսօր՝ փետրվարի 10-ին, բացվեց Անի Հովակի «Ձկնառատ» ձեռագործ աշխատանքների ցուցահանդեսը: Ցուցահանդեսին ցուցադրված էին Անի Հովակի վերջին 4 տարիներին արած շուրջ 25 աշատանքներ, որոնցում պատկերված են հիմնականում ձկներ:
NEWS.am-ի հետ զրույցում Անի Հովակը նշեց, որ իր կոլաժներում գերակշռողը հիմնականում ձուկն է, ինքը չի վախենում ոչ ստանդարտ ֆորմաներ ընտրելուց եւ շարունակելու է ձկներ պատկերել: Նա նշեց, որ կոլաժներն ստացել է տարբեր իրերի միոջով՝ մեխերից, թելերից, պտուտակներից, քարերից եւ այլն:
«Սիրում եմ իմ աշխատանքների միջոցով մարդկանց փոխանցել իմ էներգիան: Հաճույք եմ ստանում իմ գործերից եւ ուրախանում եմ, որ մարդիկ նույնպես ուրախանում են: Սիրում եմ կոլաժների միջոցով ձկան պատկերներ ստանալ, սիրում եմ ծովը»,-ասաց նա:
Նշենք, որ «Ձկնառատ» ցուցահանդեսը գործելու է մեկ ամիս:
