Հայաստանի պաշտպանության նախարար Սեյրան Օհանյանը փետրվարի 11-ին այցելել է ԼՂՀ բանակային բնագծի մի շարք հատվածներ եւ ծանոթացել շփման գծում տիրող իրավիճակին:
ԼՂՀ ՊՆ մամուլի ծառայությունից NEWS.am-ին հայտնում են, որ փետրվարի 11-ին հայկական երկու հանրապետությունների ռազմական գերատեսչությունների միջեւ առկա փոխհամագործակցության եւ գործողությունների համադրման ծրագրի շրջանակում Արցախ այցելած ՀՀ պաշտպանության նախարար Սեյրան Օհանյանը ԼՂՀ պաշտպանության նախարար Լեւոն Մնացականյանի ուղեկցությամբ եղել է բանակային բնագծի մի շարք հատվածներում եւ ծանոթացել հակամարտ զորքերի շփման գոտում տիրող իրավիճակին:
Շրջայցի ընթացքում ՀՀ պաշտպանության նախարարին ներկայացվել է առաջնագծի պաշտպանական համակարգի ամրապնդմանն ուղղված գործողությունների համալիրը, դրանցում ներդրված մարտավարական ու տեխնիկական նորարարությունները:
Այցի ընթացքում ՀՀ պաշտպանության նախարարը եղել է նաեւ Տիգրանակերտի բանակային վարժարանում եւ հետեւել ՊԲ կենտրոնական ենթակայության զորամասերից մեկի հրաձգային վաշտի կողմից անցկացվող հետեւակի մարտական մեքենաների գործնական հրաձգության պարապմունքներին: