Տարիներ շարունակ ՑԱԽԱԼ-ում համարում էին, որ վաղորդյան ժամերը ամենավտանգավորն են, երբ ահաբեկիչներն, օգտվելով մշուշից, կարող են դիվերսիա կազմակերպել: Ավանդաբար, այդ ժամերին բանակի անցակետերում հսկողությունն ուժեղացվում է:
Հարավային Լիբանանում շատ հարձակումներ իրականացվել են օրվա հենց այդ ժամերին, նաեւ այդ ժամերին է առեւանգվել Գիլաթ Շալիթը, հաղորդում է Mignews-ն:
Այժմ իրավիճակը փոխվում է: Դիտարկման նոր յուրահատուկ համակարգ է մշակվել՝ կազմված դրոններից, ռադարներից, սենսորներից: Այս համակարգը թույլ է տալիս տարածքի դիտարկում իրականացնել եւ բարձր որակի լուսանկարներ անել մշուշի ու մթնշաղի պայմաններում, ընդհուպ մինչեւ 20 կմ հեռավորությունից:
Կառավարող համակարգը բավական ծանր է՝ 65 կգ եւ տեղադրվում է Speed LR պլատֆորմի վրա: Այս տիպի առաջին համակարգը, որը մշակել է Controp ընկերությունը, անձակետերից մեկում կտեղադրվի այս շաբաթ:
