Եվրասիական միջկառավարական խորհրդի որոշմամբ նախատեսված է ինջինիրինգային կենտրոնի ստեղծման հայեցակետի ընդունում:
Եվրասիական միջկառավարական խորհրդի «Հաստոցաշինության եվրասիական ինջինիրինգային կենտրոնի ստեղծման վերաբերյալ հայեցակարգի մասին» որոշման նախագիծը հավանության է արժանացել Եվրասիական տնտեսական հանձնաժողովի նիստում:
Ինչպես հաղորդում է ԵՏՀ-ի մամուլի ծառայությունը, հայեցակարգի նախագիծը որոշարկում է ինջինիրինգային միութենական կենտրոնի գործունեությունը, խնդիրները եւ դրանց իրականացման մեխանիզմները, որոնք նախատեսում են ԵԱՏՄ անդամ երկրների մեքենաշինական համալիրների արտադրական գործընթացներում նորարարական տեխնոլոգիական լուծումների մշակում եւ ներդրում, ինչպես նաեւ հաստոցաշինության եւ միջանկյալ ոլորտների զարգացման երկարաժամկետ պլանավորում:
Եվրասիական միջկառավարական խորհրդի որոշման նախագծով նախատեսված է Ինջինիրինգային կենտրոնի ստեղծման հայեցակետի ընդունում, որից հետո ԵԱՏՄ անդամ պետությունների կառավարություններին կհանձնարարվի այն իրականացնել` ելնելով սեփական ազգային առաջնահերթություններից:
Հաստոցաշինության ինջինիրինգային կենտրոնի ստեղծումը պայմանավորված է Եվրասիական տնտեսական միության արդյունաբերական համալիրների համար նորարական հիմքի վրա առաջատար տեխնիկական եւ տեխնոլոգիական բազայի ձեւավորման անհրաժեշտությամբ` ապահովելու միության արդյունաբերության անցումը թվային տնտեսության նոր տեխնոլոգիական տնտեսաձեւին:
Եվրասիական տնտեսական հանձնաժողովի խորհրդի նիստին մասնակցել են ԵՏՀ խորհրդի անդամները. Հայաստանի Հանրապետության փոխվարչապետ, միջազգային տնտեսական ինտեգրացիայի նախարար Վաչե Գաբրիելյանը, Բելառուսի Հանրապետության առաջին փոխվարչապետ Վասիլի Մատյուշեւսկին, Ղազախստանի Հանրապետության առաջին փոխվարչապետ Բակիտջան Սագինտաեւը, Ղրղզստանի Հանրապետության փոխվարչապետ Օլեգ Պանկրատովը, Ռուսաստանի Դաշնության առաջին փոխվարչապետ Իգոր Շուվալովը, ինչպես նաեւ ԵՏՀ խորհրդի նախագահ Տիգրան Սարգսյանը եւ Եվրասիական տնտեսական հանձնաժողովի խորհրդի անդամները (նախարարները):
