News
Լրահոս
News
Երեքշաբթի
Մարտ 19
Տեսնել լրահոսը

Իրանին Ղարաբաղի խնդրի կարգավորման բանակցություններին ներգրավելն այս պահին նպատակահարմար չէ: Այս մասին NEWS.am-ի թղթակցի հետ զրույցում ասել է Իրանի Իսլամական Հանրապետության խորհրդարանի հայ պատգամավոր Կարեն Խանլարյանը:

Նրա խոսքով՝ Իրանն առաջին անգամ չէ նման առաջարկ անում: «Իրանի ԱԳՆ-ն վաղուց է այդ մասին խոսում, եւ ընդհանուր առմամբ իրանական կողմը միշտ պատրաստ է եղել հանդես գալ որպես միջնորդ: Այդ դրական մոտեցումը ինքն իրենով բարձր գնահատականի է արժանի: Իրանը պատմական եւ մշակութային կապեր է պահպանում երկու կողմերի՝ Հայաստանի եւ Ադրբեջանի հետ: Բայց հաշվի առնելով ացնյալի փորձը՝ անհրաժեշտ է նշել, որ ԵԱՀԿ Մինսկի խմբի ձեւաչափի փոփոխությունը կարող է բավական մեծ դժվարություններ առաջ բերել եւ հետաձգել վերջնական համաձայնագրի ձեռքբերումը»,- ընդգծել է Կարեն Խանլարյանը:

Նա նշել է նաեւ, որ միջնորդության առաջարկով հանդես է եկել նաեւ Թուրքիան, բայց ի տարբերություն Իրանի՝ Թուրքիայի մոտեցումներն անկողմնակալ չեն: «Թուրքիան ամենաառաջին օրերից Հայաստանին պատերազմ էր հայտարարել: Հետեւաբար Թուրքիայի միջնորդության առաջարկները չի կարելի համարել անաչառ: Իրանի դիրքորոշումն, ընդհակառակը, հիմնված է խաղաղության հաստատման անհրաժեշտության վրա, եւ ես բարձր եմ գնահատում այդ դիրքորոշումը»,- նշել է Խանլարյանը:

Նրա կարծիքով ղարաբաղյան հակամարտության կարգավորման բանակցային գործընթացին Իրանին ներգրավելը անհնար է տեխնիկական տեսակետից, քանի որ միջնորդության նոր ձեւաչափը ենթադրում է վերանայել փաստաթղթերը, ինչը շատ կձգձգի բանակցությունների ելքը: «Սակայն որպես քաղաքական մոտեցում՝ դա բարիդրացիական հարաբերությունների ամենալավ դրսեւորումն է»,- ասել է Խանլարյանը:

Հիշեցնենք, որ Իրանի ԱԳՆ պաշտոնական ներկայացուցիչ Հուսեյն Ջաբեր Անսարին հայտնել էր, որ Իրանը պատրաստ է որպես միջնորդ հանդես գալ Ղարաբաղի խնդրի կարգավորման համար:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ծիծեռնակաբերդի բարձունքում նշվեց Ադրբեջանական ԽՍՀ-ում հայկական ջարդերի զոհերի հիշատակին նվիրված տարելիցը
Ծիծեռնակաբերդի բարձունքում նշվեց Ադրբեջանական ԽՍՀ-ում կազմակերպված...
Բոլորս պետք է ջանանք, որ Սումգայիթում տեղի ունեցած ողբերգությունները երբեք չկրկնվեն. Մարագոս
Իմ խորին ցավակցությունն եմ հայտնում բոլորին, ովքեր 36 տարի առաջ...
Բաքվին կոչ ենք անում առերեսվել հայաբնակ վայրերի հայաթափման հանցանքին, ԼՂ էթնիկ զտմանը և ցեղասպանությանը.հայտարարություն
Ադրբեջանի արտաքին գործերի նախարարությանը հայտարարություն է տարածել՝ շարունակելով Հայաստանի հասցեին հերյուրանքներ սփռելու պետական գիծը...
Այսօր էլ Ադրբեջանը շարունակում է իր վերահսկողության ներքո հայկական որևէ հետքի վերացմանն ուղղված քաղաքականությունը. ԱԳՆ
Միջազգային հանրությունը պետք է համարժեք գնահատական տա տեղի ունեցած զանգվածային ոճրագործություններին և գործարկի առկա բոլոր մեխանիզմները...
Երեւանում տեղի կունենա Ադրբեջանում հայերի ցեղասպանության զոհերի հիշատակի միջոցառում
Փետրվարի 28-ին Ծիծեռնակաբերդում տեղի կունենա հիշատակի միջոցառում...
Մարուքյանը ուշագրավ փաստեր է հրապարակել Խոջալուի դեպքերի հետ կապված՝ վկայակոչելով Ադրբեջանի 1-ին նախագահի հարցազրույցը
Ադրբեջանի առաջին նախագահ Այազ Մութալիբովը հայտարարել է, որ «Խոջալուի վրա հարձակումը անակնկալ հարձակում չէր»։ 1992 թվականին ռուսական...
Ամենաշատ