Ամերիկացի սենատոր, հանրապետական Մարք Քիրքը Բարաք Օբամայի վարչակազմին կոչ է արել Ադրբեջանից պատասխան պահանջել վերջին հարձակումների համար ու ապահովել Ռոյս- Էնգելի առաջարկների իրականացումը:
«Ադրբեջանի կողմից անընդունելի ու անողջամիտ է ծրագրված հարձակումների նման շարքով այսքան բացահայտ խախտել Հայաստանի ու Լեռնային Ղարաբաղի Հանրապետության հետ հրադադարի մասին պայմանագիրը: Բաքվի ռազմատենչությունը դարձել է հայկական կողմից բազմաթիվ մահերի պատճառ՝ թե քաղաքացիական բնակչության, թե զինվորականների շարքերում, նաեւ զգալի կորուստների պատճառ ադրբեջանական կողմից: Ես խստորեն դատապարտում եմ Ադրբեջանին Լեռնային Ղարաբաղի հանրապետության դեմ բռնություն սադրելու համար ու Ադրբեջանի նախագահ Իլհամ Ալիեւին կոչ եմ անում դադարեցնել այդ ռազմական ագրեսիան»,- հայտնել է նա:
«Բացի դրանից, ես նախագահ Բարաք Օբամային ու Պետդեպարտամենտին կոչ եմ անում Ալիեւից պատասխան պահանջել ու աջակցել կոնգրեսականներ Ռոյսի ու Էնգելի առաջարկած խաղաղության ամրապնդման քայլերի ներդրմանը, որոնք ներառում են երկու կողմերի համաձայնագիրը՝ շփման գծում դիպուկահարներ չպահել, տեղադրել կրակի հսկողության համակարգեր, որոնց պետք է ԵԱՀԿ –ն հետեւի ու ձայնի չափման սարքավորում, որը կորոշի շփման գծում հարձակումների աղբյուրը, նաեւ ԵԱՀԿ լրացուցիչ դիտորդներ ուղարկել՝ հրադադարի խախտումների ճշգրիտ մոնիտորինգի համար»,- հավելել է սենատորը:
