Այն տեսությունը, թե Ռուսաստանի նախագահ Վլադիմիր Պուտինը Ադրբեջանին հրահանգել է հարձակվել Ղարաբաղի վրա, որպեսզի Ադրբեջանի համար այնպիսի լավ բան անի, ինչպիսին տարանջատող զորք մտցնելն է, չափազանց էկզոտիկ է: Այդ մասին ապրիլի 7-ին հայտնել է Կովկասի ինստիտուտի տնօրեն Ալեքսանդր Իսկանդարյանը «Նոր իրավիճակ ղարաբաղյան հակամարտության շուրջ: Հնարավոր զարգացումներ բանակցային գործընթացում» թեմայով քննարկմանը: Քաղաքագետի համոզմամբ, Ադրբեջանը կրակելու բավարար պատճառներ ունի: «Դա պատահականություն չէ, դա ռացիոնալ պահվածք է: Հրահանգը տրվել էր Ամերիկայից, Ալիեւն էր տվել հրահանգը, հրահանգը տրվել էր շատ իրավիճակային եղանակով», - ընդգծել է Իսկանդարյանը:
