Պաշտպանության եւ արտաքին գործերի նախարարները պետք է հանդիպեն Հայաստանի Աժ պատգամավորների հետ: Այս մասին խորհրդարանում ապրիլի 25-ին հայտնել է «Բարգավաճ Հայաստան» կուսակցության նախագահ Նաիրա Զոհրաբյանը՝ խոսելով Ղարաբաղում ապրիլյան իրադարձությունների մասին:
«Պաշտպանության նախարարի հետ տեղի ունեցած փակ հանդիպումից հետո էլի իրադարձություններ են եղել, եւ շատ հարցեր են առաջացել, որոնք չեն բավարարվել, քանի որ խնդիրը շատ նուրբ է: Մենք ցանկանում ենք փակ ռեժիմով հարցեր ուղղել անձամբ վարչապետին, ԱԳՆ-ին ու ՊՆ-ին, կրկին անգամ հնարավորինս սեղմ ժամկետում նիստ հրավիրենք, այլ ոչ թե, ասենք, Հրանտ Բագրատյանի հետ ԱԺ փոխխոսնակի աշխատասենյակում տետ ա տետ հանդիպում»,-ասել է Զոհրաբյանն ու հավելել. «Անհրաժեշտ է նոր փակ հանդիպում նախարարների, այլ ոչ թե նրանց տեղակալների մակարդակով, որոնց մենք շատ հարգում ենք: Բայց օպերատիվ իրավիճակին վերաբերող հարցերին նախարարները պետք է պատասխանեն»:
