Apple կորպորացիան առաջին անգամ հաշվետվություն է ներկայացրել իր հիմնական ապրանքի` iPhone-ի վաճառքի ծավալների նվազման վերաբերյալ:
Apple-ը ֆինանսական տարվա երկրորդ եռամսյակում 51,2 մլն iPhone է վաճառել մեկ տարի առաջվա 61,2 մլն-ի համեմատ:
Հրապարակված հաշվետվության համաձայն, 50,6 մլրդ դոլարի մակարդակի եկամուտ է գրանցվել, մեկ բաժնետոմսի շահույթը կազմել է 1,9 դոլար: Այդ ցուցանիշները վերլուծաբանների գնահատականներից ավելի ցածր էին:
Հաշվետու եռամսյակի արդյունքում Apple-ի մաքուր եկամուտը կազմել է 10,5 մլրդ դոլար:
Նշվում է, որ մի քանի տարվա ընթացքում ժողովրդականություն վայելող ապրանքի վաճառքների աճից հետո շատ ներդրողներ վախենում են, թե iPhone-ի պահանջարկը հագեցման է հասել, հայտնում է Lenta-ն, վկայակոչելով Reuters-ին:
2015-ի արդյունքում, Apple Inc.-ը աշխարհում իր կապիտալով խոշորագույնն էր. տարեվերջին այդ ցուցանիշը մոտ 600 մլրդ դոլար է կազմել (տարվա ընթացքում այն ավելացել է մինչեւ 750 մլրդ դոլար):
