Ապրիլի 24-ին Ծիծեռնակաբերդի անմար կրակի մոտ դրված ծաղիկներից այս տարի հերբարիում կկազմվի, իսկ ցողուններից կոմպոստ կպատրաստվի: Այս մասին այսօր՝ ապրիլի 27-ին, ամենամյա «Ծաղկահավաքի» ժամանակ լրագրողների հետ զրույցում ասաց Վայրի բնության և մշակութային արժեքների պահպանման հիմնադրամի հիմնադիր Ռուբեն Խաչատրյանը (ֆոտոռեպորտաժ):
«Ծաղիկների թերթիկներից հուշագրեր, բացիկներ են պատրաստվելու, որոնք օգտոգործվում են նաեւ Ցեղասպանության թանգարանի կողմից: Այս տարի ստեղծագործական մոտեցում է ցուցաբերվել, ծաղիկներն օգտագործվում են նաեւ հերբարիում տեսակով, ցողունները դառնալու են կոմպոստ, որ կօգտագործվեն ծառերի խնամքի, սնուցման համար»,- ասաց Ռուբեն Խաչատրյանը:
Ռուբեն Խաչատրյանը նշեց, որ այս տարի տարբեր կառույցներ ցանկություն են հայտնել օժանդակելու, միջոցառումը դարձել է ինքնակազմակերպվող:
Ծաղկահավաքին մասնակցում էր նաեւ ՀՀ-ում ՌԴ արտակարգ և լիազոր դեսպան Իվան Վոլնիկինը, ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:
«Մենք խաղաղություն սիրող ժողովուրդ ենք: Այս ավանդական միջոցառման մեջ կարեւոր խպորհուրդ կա, որ պատմում է մ,եզ դրական փոփոպխության մասին, լավատեսության մասին, վերածնունդի մասին»,- լրագրողներին ասաց Ռալֆ Յիրիկյանը:
Նշենք, որ 6-րդ տարին է, որ «Ծաղկահավաք» միջոցառումն է անցկացնում: Այն անցկացվում է «Վայրի բնության եւ մշակութային արժեքների պահպանման հիմնադրամի» եւ Վիվա Սել-ՄՏՍ-ի նախաձեռնությամբ:
