Լեռնային Ղարաբաղի հակամարտության համար ռազմական լուծում գոյություն չունի: NEWS.am-ի հաղորդմամբ, այս մասին հայտարարել է ԱՄՆ-ի Պետքարտուղարության փոխխոսնակ Մարք Թոները՝ կոչ անելով կողմերին վերադառնալ բանակցային սեղանի շուրջ.
«Մեր ուղերձն անփոփոխ է. մենք կտրուկ դատապարտում ենք ցանկացած բռնություն, որը տեղի է ունենում Լեռնային Ղարաբաղի շփման գծում եւ հայտնում, որ ցանկանում ենք, որ խաղաղ գործընթացը վերականգնվի եւ շարունակի ընթացքը հնարավորին չափ շուտ: Լեռնային Ղարաբաղի հակամարտությունը ռազմական լուծում չունի»:
Պետքարտուղարության ներկայացուցչի խոսքով, Միացյալ Նահանգների իշխանությունները կապի մեջ են հակամարտության բոլոր կողմերի հետ, փորձելով պահպանել հաստատված փխրուն խաղաղությունը.
«Մենք ականատես եղանք, թե ինչպես էր հաստատվեց փխրուն հրադադար, եւ սկզբում ոգեւորվել էինք, տեսնելով, որ այն պահպանվում է։ Սակայն պարզ է, որ տեղում իրավիճակը լարված է: Պետքարտուղարը խոսել է երկու երկրների՝ Հայաստանի եւ Ադրբեջանի առաջնորդների հետ, Մինսկի խմբի մեր համանախագահը տարածաշրջան է այցելել, եւ մենք կապի մեջ ենք մնում այս հակամարտության բոլոր կողմերի հետ»:
