Հարկադիր վաճառքի դեպքում այլեւս բռնագրավման ենթակա չի լինի պարտապանի միակ բնակարանը: Այս մասին Կառավարության ապրիլի 28-ի նիստի ժամանակ հայտնել է Արփինե Հովհաննիսյանը՝ ներկայացնելով «Հարկադիր դատական ակտերի մասին» օրենքում փոփոխությունների նախագիծը: Մասնավորապես չի թույլատրվի բռնագրավել միակ բնակարանը ( որի սեփականատերը, կամ համասեփականերն է պարտապանը), որի գնահատման արժեքի 75 տոկոսը հավասար է կամ ցածր է Կառավարության հաստատած իրացման նվազագույն գնից: Նույն արժեքն ունեցող բնակարանները կարգելվի վաճառել ոչ միայն բռնագրավման այլեւ հարկադիր սակարկությունների դեպքում: «Հիմա այդ շեմը 2 մլն դրա՞մ է»,- հարցրել է վարչապետը: «Վերջնական թիվը մենք կպարզենք շուկան ուսումնասիրելուց հետո »,- պատասխանել է նախարարը:
Նշենք, որ 2 մլն դրամը ( 4.2 հազար դոլարից էլ քիչ) մարզային քաղաքներում շատ էժանագին բնակարանների գինն է (Երեւանում նույնիսկ ամենաէժան բնակարանները մի քանի անգամ թանկ են)։