Ադրբեջանը լուրջ նպատակներ ունի, սակայն մենք թույլ չենք տալու` փորը լցնելու: NEWS.am-ի թղթակցի հետ զրույցում նման կարծիք հայտնեց ԱԺ ԲՀԿ խմբակցության պատգամավոր Ռուստամ Գասպարյանը` անդրադառնալով ադրբեջանական ագրեսիային:
«Ադրբեջանը լուրջ նպատակներ ուներ, ախորժակը մեծ է, բայց դե հո չենք թույլ տալու, որ Ադրբեջանն իր ախորժակն իրականություն դարձնի, փորը լցնի: Սահմանին շատ հզոր են կանգնած մեր տղաները, բանակը եւ նրանց թիկունքին ծնողները ու կամավորները: Այնպես որ սահմանը շատ ամուր է, անհանգստանալու կարիք չկա»,- ասաց Ռուստամ Գասպարյանը:
Անդրադառնալով քննադատություններին, թե Սեյրան Օհանյանն ու բանակի ղեկավարությունը թերացել են, պատգամավորն արձագանքեց. «Չկա մի ոլորտ, որտեղ թերություններ չկան, բնական է, սակայն սխալ եմ համարում քննադատել այն բանակին, որը նման հաղթանակ է տարել, հերոսաբար է գործել»:
