Ռուսաստանը պատրաստվում է սեփական ֆյուչերային պայմանագիրը թողարկել արտահանման հիմնական արտադրանքի` Urals նավթի համար` եկամտի ավելացման եւ դոլարով նավթային գների հաշվարկից հրաժարվելու նպատակով, հայտնում է Bloomberg-ը:
Ֆյուչերային հարթակը ստեղծվում է Սանկտ Պետերբուրգի միջազգային ապրանքահումքային բորսայում (ՍՊբՄԱՀԲ), որն այժմ բանակցություններ է վարում օտարերկրյա թրեյդինգային ընկերությունների հետ:
Ֆյուչրսների սեփական շուկայի գործարկումը Ռուսաստանին թույլ կտա բարելավել Urals-ի գնագոյացման մեխանիզմը, իսկ հայրենական ընկերություններին` լրացուցիչ եկամուտ ստանալ, հայտնում է Lenta-ն:
Սեփական գնագոյացման շնորհիվ ենթադրվում է մեծացնել Urals-ի վաճառքից եկամուտները, ինչպես նաեւ հրաժարվել դոլարով հաշվարկներից: Ներկայումս ավելի ցածրորակ Urals-ը վաճառվում է միջազգային էտալոնի` հյուսիսծովյան Brent խառնուրդի նկատմամբ զեղչով:
2016-ի առաջին երկու ամսին ռուսաստանյան Urals ապրանքանիշի նավթի միջին գինը կազմում էր մեկ բարելի դիմաց 29,69 դոլար: Դա 1,7 անգամ պակաս է, քան 2015-ի համանման ժամանակաշրջանի համար: Այն ժամանակ Urals-ն արժեր 51,81 դոլար:
