Ազգային ժողովի ՀՀԿ խմբակցության պատգամավոր, գեներալ Սեյրան Սարոյանը համաձայն չէ այն քննադատություններին, թե քառօրյա պատերազմը ցույց տվեց, որ դիվանագիտական կորպուսում թերացումներ կան:
«Նալբանդյանին անձամբ եմ ճանաչում, ըտենց ուժեղ դիվանագետ մարդ ես չեմ ճանաչում: Իրան փոխարինողի էլ ես չեմ տեսնում: Նալբանդյանին ընենց են սիրում, իմ աքով եմ տեսել, թե ոնց են եվրոպացիք սիրում ու հարգում են Նալբանդյանին»,- NEWS.am-ի թղթակցի հետ զրույցում ասաց Սեյրան Սարոյանը:
Ինչ վերաբերում է այս օրերին Բելառուսի վարած քաղաքականությանը, Սեյրան Սարոյանի համար զարմանալի ոչինչ չկար. «Եթե Նալբանդյանը չլիներ, Նազարբաեւը հա՞յ ա դառնալու, թե՞ ռուս: Թուրք ա, թուրք Նազարբաեւը, ինքն էլ անձամբ հայտարարել ա, որ Ալիեւն իր ախպերն ա»:
Թե ինչու է ԵԱՀԿ Մինսկի խումբն անընդհատ անհասցե հայտարարություններ անում, Սեյրան Սարոյանին չի հուզում. կարեւորը «ռուսը մեր ախպերն ա»:
«Ռուսը ինչ էլ լինի, նաղդի մեր ընկերն ա, իսկ աշխատող մարդուն հա էլ քլնգում են: Նալբանդյանն ու իրա նախարարությունը մեզնից լավ գիտեն, պրոֆեսիոնալներ են»,- նշեց գեներալը:
Հիշեցնենք, որ քառօրյա պատերազմից հետո հասարակությունը պահանջում է Էդվարդ Նալբանդյանի հրաժարականը:
