Նյու Յորքում՝ Դոնալդ Թրամփին պատկանող «Թրամփ թաուեր» երկնաքերում, կասկածելի սպիտակ փոշի է հայտնաբերվել։ Վեց մարդ, այդ թվում, ոստիկանության մեկ աշխատակից, մեկուսացվել են, հայտնում է Daily News-ը՝ վկայակոչելով հրշեջ ծառայության մամուլի քարտուղարին։
Այս պահին իրավապահները պարզում են, թե փոշին վտանգ ներկայացնում է, թե ոչ։
CBS-ը, վկայակոչելով իր աղբյուրները, հայտնում է, որ փոշին եղել է ծրարի մեջ, որն առաքել են փոստով։ Ծրարը բացել են այն հարկում, որտեղ նախագահական ընտրարշավի կամավորները զանգեր են կատարում եւ ընդունում են թղթերը։