Իրանում ապրիլի 29-ին անցնում է խորհրդարանական ընտրությունների երկրորդ փուլը: Քվեարկության արդյունքներով բաշխվելու են Իսլամական խորհդի ժողովի 290 տեղերից 68-ը, որոնք թափուր են մնացել այն բանից հետո, երբ առաջին փուլում այդ մանդատների թեկնածուները անհրաժեշտ քանակության ձայներ չեն հավաքել: Այս անգամ խորհրդարանում տեղերի համար պայքարում են 136 թեկնածուներ: Ընտրությունները կկայանան 55 ընտրատեղամասերում, քվեարկել կկարողանան 17 մլն ընտրողներ: Առաջին արդյունքները կհրապարակվեն ապրիլի 30-ին:
Ընտրությունների առաջին փուլում, որը փետրվարի 27-ին է անցել, մեջլիսի 95 տեղերը ստացել են ռեֆորմատորները, որոնք սատարում են երկրի նախագահ Հասան Ռոհանիի չափավոր քաղաքական կուրսը: Թեհրան պրովինցիայում նրանց բաժին է ընկել 30 խորհրդարանական մանդատ: Չափավոր թեկնածուները հույս ունեն երկրորդ փուլում ամրապնդել իրենց դիրքերը, հայտնում է DW–ը:
Երկրի ՆԳՆ տվյալներով, ընտրությունների առաջին փուլին մասնակցել է ձայնի իրավունք ունեցող իրանցիների շուրջ 60 տոկոսը: Որպես թեկնածու առաջադրվելու ցանկություն ունեցող 12 հազար մարդուց միայն 4844 –ն է ընտրություններին մասնակցելու իրավունք ստացել, նրանցից գրեթե 500-ը կանայք են:
