ՏՏ եւ ինժեներական ոլորտի երեք հարյուրից ավելի մասնագետներ ստեղծել են հասարակական խորհուրդ` բանակին տեխնոլոգիական աջակցություն ցուցաբերելու համար: Այս մասին այսօր՝ ապրիլի 29-ին, լրագրողների հետ հանդիպմանն ասաց ԻՏՁՄ գործադիր տնօրեն Կարեն Վարդանյանը:
«Պայմանականորեն այդ խորհուրդն անվանում ենք ռազմական տեխնոլոգիաների ուսումնասիրության ինստիտուտ, որը կուսումնասիրի թե մեզ կոնկրետ ինչ է հարկավոր եւ ինչ նպատակով: Սակայն մենք չենք կարող ինքնուրույն դա անել` առանց հրամանի, այդ պատճառով մեկ ժամից պաշտպանության նախարարությունում նախարարի հետ հանդիպում ենք ունենալու` հասկանալու համար օրինակ՝ հարվածային անօդաչու սարքեր պետք են, թե չէ: Տարիների առաջ էինք մեր օգնությունը առաջարկել, սակայն անարձագանք էր մնացել»,- ասաց Կարեն Վարդանյանը:
Նշենք որ այս նախաձեռնությանը միացել է հիսունից ավելի ընկերություն:
