Պատերազմը Լեռնային Ղարաբաղում ցույց տվեց, թե հայերի նոր սերունդը ինքչան քաջ ու հայրենասեր է: Այս մասին ապրիլի 29-ին մամուլի ասուլիսի ժամանակ ասել է «Ժառանգություն» խմբակցության պատգամավոր Թեւան Պողոսյանը:
Նրա խոսքով, պատերազմը նաեւ ցույց է տվել, որ հայ հասարակությունը թշնամու դեմ համախմբվելու ներքին ռեսուրս ունի, որ ամբողջ աշխարհի հայերը պատրաստ են օգնել ու միասին անցնել անհրաժեշտ ուղին: Մենք պետք է հասկանանք, որ այսօր աշխարհը փոխվել է: Վստահ եմ, որ բազմաթիվ դասեր ենք քաղել: Հաշվի առնելով որ նոր էսկլալացիայի հավանականությունը օր-օրի մեծանում է, մենք պետք է հասկանանք՝ մենք դանդաղելու ժամանակ չունենք, պետք է լուծենք բոլոր խնդիրները»,- ասել է Թեւան Պողոսյանը:
