Ով ասում է, որ ուզում է աշխատատեղ ստեղծել, 19-րդ դար է տանում. պետք է մարդկանց հնարավորություն տալ աշխատատեղ ստեղծելու, ոչ թե նրանց համար ստեղծել: Այս մասին, այսօր՝ ապրիլի 29-ին, լրագրողների հետ հանդիպման ժամանակ նշել է ՀԱԿ խմբակցության պատգամավոր, նախկին վարչապետ Հրանտ Բագրատյանը:

«Աշխարհում ինքնազբաղված բնակչությունը կազմում է 60 տոկոս: Ոչ ոք ոչ մի երկրում աշխատատեղ չի ստեղծում, բացի Հայաստանից: Ամեն տարի ասում են 50-100 հազար աշխատատեղ ենք ստեղծում, իսկ աշխատողների թիվը պակասել է 350 հազարով: Հենց ասում են՝ աշխատատեղ ենք ստեղծում, ես ասում եմ՝ մենք մեռանք: Ու դա անցել է որոշ ընդդիմադիր գործիչների, նրանք էլ են սկսել «աշխատատեղ ստեղծել»: Սա նշանակում է, որ խոսողը գաղափար չունի միջազգային միտումների մասին»,-հայտարարեց Բագրատյանը:

Անդրադառնալով գազի սակագնի նվազմանը, Բագրատյանը դա ծիծաղելի համարեց՝ նշելով, որ իրականում ԵՏՄ բոլոր երկրներում անհամեմատ էժան է սահմանին սահմանված գազի գինը:

Հարգելի պարտադիր ժամկետային զինծառայողների ընտանիքներ, 
ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿՆ իջեցնում է Ձեր գործող կամ նոր տրամադրվող սպառողական վարկերի տոկոսադրույքը: 
Շնորհակալ ենք, Հա´յ Զինվոր ... 
ԱՄԵՆ ԲԱՆ ԼԱՎ Է ԼԻՆԵԼՈՒ

«Հայաստանի սահմանին գազի գինը 325 դոլար է սահմանված, եթե 10 տոկոս զեղչ անեն կդառնա 300: ՌԴ-ի տարբեր շրջաններում 90-105 դոլար է, Ղազախստան՝ 80 դոլար, Բելառուսում՝ 180 դոլար, Ղրղըզստանում՝ 190 դոլար»,-ասաց նա՝ հավելելով, որ միասնական շուկան նշանակում է, որ ամեն ինչ նույն գների սահմաններում պետք է լինի այս հինգ երկրներում, սակայն Հայաստանի համար ամեն ինչ թանկ է:

«Հիմա մի քիչ իջեցնում են գինը, որ ձեններս կտրեն, նույն ձևի բենզինի գները ամենաթանկը մեզ մոտ է»,-ասաց ՀԱԿ խմբակցության պատգամավորը: