Հայաստանի ԱԳ նախարար Էդվարդ Նալբանդյանը մայիսի 2-3-ին կայցելի Հելսինկի:

ԱԳՆ-ից NEWS.am-ին հայտնում են, որ նա հանդիպումներ կունենա Ֆինլանդիայի նախագահ Սաուլի Նինիստյոյի, խորհրդարանի ղեկավար Մարիա Լոհելայի, բանակցություններ կանցկացնի իր գործընկերոջ՝ ԱԳ նախարար Թիմո Սոինիի հետ։

Այցի ընթացքում նախարար Նալբանդյանը Հայաստանի արտաքին քաղաքականության վերաբերյալ ելույթով հանդես կգա Հելսինկիի համալսարանում։