Շանհայի համագործակցության կազմակերպության տարածաշրջանային հակաահաբեկչական կառույցը (ՇՀԿ ՏՀԱԿ) եւ Հնդկաստանի կառավարությունը ահաբեկչության դեմ պայքարում համագործակցության մեխանիզմներ են մշակում, երկուշաբթի ՏՀԱԿ-ի մամուլի ակումբից հայտնել են «ՌԻԱ Նովոստիին»:
Անցյալ շաբաթ ՇՀԿ ՏՀԱԿ-ի տնօրեն Եվգենի Սիսոեւն ընդունել է Հնդկաստանի փոխարտգործնախարար Սուջաթու Մեհթային` հնդկական կողմի խնդրանքով, հայտնում է «ՌԻԱ Նովոստին»` վկայակոչելով մամուլի ծառայությանը:
ՏՀԱԿ-ի ներկայացուցիչը հիշեցրել է, որ հունիսին Տաշքենդում ՇՀԿ-ի գագաթնաժողովին հուշագիր է ստորագրվել Հնդկաստանի եւ Պակիստանի պարտավորությունների մասին, որոնք անհրաժեշտ են կազմակերպությանը նրանց անդամակցության համար:
ՇՀԿ-ի անդամ են Ռուսաստանը, Չինաստանը, Ղազախստանը, Ղրղզստանը, Տաջիկստանը եւ Ուզբեկստանը: Դիտորդի կարգավիճակ ունեն Բելառուսը, Մոնղոլիան, Հնդկաստանը, Իրանը, Պակիստանը եւ Աֆղանստանը: 2015-ի հուլիսին ՇՀԿ-ում գործարկվել է Հնդկաստանին եւ Պակիստանին կազմակերպություն ընդունելու գործընթաց: Ուֆայում ՇՀԿ-ի գագաթնաժողովում կազմակերպության նախագահությունը Ռուսաստանից փոխանցվել է Ուզբեկստանին: 2016-ին ՇՀԿ-ի գագաթնաժողովը տեղի կունենա հունիսի 23-24-ին` Տաշքենդում: ՏՀԱԿ-ի գլխավոր շտաբը Տաշքենդում է:
