Ուտելու ենթակա բույսեր աճեցնելը՝ պատշգամբի վրա կանաչի աճեցնելուց սկսած մինչեւ մեծ այգի, ոչ միայն բնական ու թարմ մթերքի աղբյուր է, այլեւ կյանքը երկարացնելու միջոց:
ԱՄՆ շրջակա միջավայրի ու առողջության ինստիտուտի 8-ամա դիտարկումները ցույց են տվել, որ մարդիկ, որոնք բույսեր աճեցնելով են զբաղվում, 12 տոկոսով քիչ են հակված զանազան ծագումների խրոնիկ հիվանդությունների առաջացմանը: Գիտնականների խոսքով, այս ներգործությունը կարելի է բացատրել ոչ միայն իրենց իսկ աճեցրած թարմ պտուղներով սնվելով, այլեւ մաքուր օդում հաճախ գտնվելով ու չափավոր ֆիզիկական ակտիվությամբ: Բացի դրանից բույսերը խնամելը նման է մեդիտացիայի՝ հանգստացնում է ու օգնում շեղվել տհաճ մտքերից: Գիտնականները տարեց մարդկանց խորհուրդ են տալիս գոնե իրենց պատշգամբում մի քանի հոտավետ խոտաբույս աճեցնել, քանի որ նույնիսկ դա կարող է լավացնել ինքնազգացողությունը, հայտնում է Kedem–ը: