ՄԱԿ գլխավոր քարտուղար Բան Կի Մունը պետությունների կառավարություններին կոչ է արել պաշտպանել անկախ լրատվամիջոցներին եւ ազատ, անկախ ու անվտանգ պայմաններ ապահովել նրանց աշխատանքի համար։ Մամուլի ազատության համաշխարհային օրվա կապակցությամբ հղած ուղերձում ՄԱԿ գլխավոր քարտուղարն ընդգծել է, որ անհրաժեշտ է գնահատել լրագրողներին, որոնք ռիսկի են դիմում՝ ապահովելով տեղեկություն ստանալու մարդկանց իրավունքը, հայտնում է ՏԱՍՍ-ը։
Բան Կի Մունը ուղերձում նաեւ նշել է, որ շատ մտահոգված է տարբեր երկրներում ավելի ու ավելի հաճախ նկատվող այն սահմանափակումների կապակցությամբ, որոնց բախվում են լրատվամիջոցների աշխատակիցները։ «Շատերին կալանք տակ են պահում, ոմանց՝ սարսափելի պայմաններում, եւ դա այն բանի համար, որ նրանք լույս են սփռել պետական կառավարման սխալների, ֆինանսական չարաշահումների եւ սոցիալական խնդիրների վրա»,- ասել է ՄԱԿ գլխավոր քարտուղարը։
«Մամուլի եւ տպագրության ազատության այս համաշխարհային օրը ես կառավարություններին, քաղաքական գործիչներին, ընկերություններին եւ քաղաքացիներին կոչ եմ անում նվիրվել անկախ, ազատ լրատվամիջոցների պաշտպանության գործին»,- ասել է Բան Կի Մունը։
Նշենք, որ Մամուլի ազատության համաշխարհային օրը սահմանվել էր 1993թ. մայիսի 3-ին ՄԱԿ Գլխավոր ասամբլեայի կողմից։
