Ղարաբաղյան հակամարտության կարգավորման գործընթացում դրական առաջընթացի հնարավորություն չի երեւակվում։ 168.am-ի հետ զրույցում այս մասին ասել է Միջազգային հարաբերությունների լեհական ինստիտուտի (Վարշավա) քաղաքական փորձագետ Կոնրադ Զաշտովտը։
Ըստ փորձագետի, իրականացան իր սպասումներն այն առնչությամբ, որ ԼՂ հակամարտությունը սառեցված հակամարտություն չէ այնպես, ինչպես փորձում էին ներկայացնել մի շարք փորձագետներ: Ավելին, նրա խոսքով, հակամարտությունը դեռ երկար ժամանակ չի կարգավորվի, կամ կարգավորման գործընթացում առաջընթաց տեղի չի ունենա, քանի որ Ռուսաստանն ունի գերակա դիրքեր` այս հակամարտության գոտում հակամարտող երկրների նկատմամբ լծակների շնորհիվ:
«Ռուսաստանին կարգավորումը ձեռնտու չէ, ուստի հակամարտությունը չի կարգավորվի, ես արագ լուծում չեմ տեսնում, քանի դեռ այս լծակները պահպանվում են, եւ ԵՄ-ն ավելի ակտիվ չէ: Համաձայն եմ այն քննադատություններին, որոնք ուղղվում են ԵՄ-ին այն առնչությամբ, որ ԵՄ-ն իրեն ակտիվ չի դրսեւորում ղարաբաղյան հակամարտության գոտում: Պետք է ավելի նախաձեռնողական քաղաքականություն դրսեւորել, բայց այստեղ հարց է առաջանում` կցանկանա՞ն արդյոք դա հակամարտող կողմերը»,- ասաց Կոնրադ Զաշտովտը։
Առավել մանրամասն սկզբնաղբյուր կայքում