Մոսկվայում ծնողները 5 ամսական փոքրիկին փակ ավտոմեքենայում են թողել:
Ըստ «Ինտերֆաքս»-ի, լաց լինող երեխային հայտնաբերել են տարհանման ծառայության աշխատակիցները, երբ ցանկացել են տանել արգելված վայրում կայանված մեքենան: Նրանք շտապօգնություն են զանգահարել:
Ոստիկանության ներկայացուցիչների փոխանցմամբ, փոքրիկի ծնողներին կարողացել են գտնել միայն մեկ ժամ անց: «Մենք գնացինք արագորեն ճաշելու, իսկ մեքենայում միացված բջջային հեռախոս թողեցինք»,- պարզաբանել է տղայի հայրը: Իրավապահները, սակայն, նշել են, որ հեռախոսը լիցքավորված չի եղել:
Երեխայի հորը տարել են ոստիկանական բաժանմունք, նրա նկատմամբ վարչական իրավախախտման մասին արձանագրություն կկազմեն:
