Հնդկաստանի հարավային Թելանգան նահանգում շոգից մահացածների թիվը հասել է 219-ի, գրում է Times of India-ն՝ վկայակոչելով տեղի իշխանություններին:
Ավելի վաղ նշվել էր, որ ողջ Հնդկաստանում ապրիլի սկզբից շոգ եղանակի պատճառով մահացել է մոտ 300 մարդ:
Թելանգանում վերջին օրվա ընթացքում մահացել է 41 մարդ: Առավել շատ են զոհերը Նալգոնդայի շրջանում, որտեղ զոհերի թիվը հասել է 76-ի:
Նահանգի մայրաքաղաք Հայդերաբադում այս պահին շոգից մահվան դեպք չի արձանագրվել:
Օդերեւութաբանները նախազգուշացրել են, որ օդի ջերմաստիճանը դեռ կպահպանվի առնվազն երկու օր: Շատ նահանգներում կանխատեսվում է 41-45 աստիճան տաքություն: