Թուրքիան, ի տարբերություն Ուկրաինայի, Վրաստանի եւ Կոսովոյի, արտոնություններ չի ստանա վիզային ռեժիմի ազատականացման ճանապարհին։ Այս մասին հայտնել է Եվրոպական հարևանության և ընդլայնման հարցերով բանակցությունների հանձնակատար Յոհաննես Հանը, փոխանցում է Svoboda.org-ը։
Նա հույս է հայտնել, որ վրացիները, ուկրաինացիներն ու կոսովացիները կկարողանան 2016-ին ԵՄ մուտք գործել առանց վիզաների, քանի որ նրանք կատարել են իրենց գործը։
Հանի խոսքով՝ Ուկրաինան կատարել է իր պարտավորությունները, ինչը նրա քաղաքացիներին ԵՄ անվիզա մուտքի իրավունք է տալիս։
Նա հիշեցրել է, որ Թբիլիսին եւ Կիեւը դրական հանձնարարականներ են ստացել։
Եվրոպական խորհուրդը եւ Եվրախորհրդարանը պետք է հավանություն տան Թուրքիայի, Ուկրաինայի, Վրաստանի եւ Կոսովոյի, համար վիզային ռեժիմի ազատականացմանը։
