Ռուսաստանի Դաշնային մաքսային ծառայությունը մտադիր է պնդել ԵՏՄ շրջանակում ինտերնետային առեւտրում անտուրք ներմուծման նորմերի միակողմանի իջեցման անհրաժեշտությունը: Այս մասին հայտնել է գերատեսչության ղեկավար Անդրեյ Բելյանինովը «Ինտերֆաքսին» տված համատեղ հարցազրույցում:
«Ես կարծում են, որ դա ճիշտ կլինի ( ազգային մակարդակով ապրանքների անտուրք ներմուծման նորմերի նվազեցումը): Բայց այս հարցը դեռ քննարկվում է»,- ասել է նա:
«Նրանք (ղազախ գործընկերները) գուցե առարկում են, բայց նրանց մոտ բիզնես, որպես այդպիսին դեռ չկա: Իսկ ահա Բելառուսում ու մեր երկրում այն կա ու մենք հասկանում ենք, որ մեզ համար դա շատ խնդրահարույց իրավիճակ է»,- ամփոփել է մաքսային գերատեսչության ղեկավարը:
Մինչ այդ Բելյանինովը արդեն հայտնել էր այն մասին, որ ԵՏՄ-ում ՌԴ-ի բելառուս ա գործընկերները վերջերս եվրոպական նորմերի նման նորմեր են սահմաներ՝ 22 եվրո, որից ցածր գնի դեպքում ապրանքը կարելի է առանց մաքսատուրքի ներմուծել:
Սակայն ՌԴ –ում հնարավոր որոշման ընդունման ճշգրիտ ժամկետներ նա չի նշել, ասելով որ գործն ընթացքի մեջ է ու որ միասնական դիրքորոշում դեռ չկա:
Միեւնույն ժամանակ ԴՄԾ տեղեկություններով, բելառուսական կողմը հիմա սկսել է անհանգստանալ, որ ինտերնետային ծանրոցները կարող են նախ Ռուսաստան ուղարկվել, իսկ հետո նոր այնտեղից Բելառուս, քանի որ Ռուսաստանում հիմա ավելի ազատական նորմեր են գործում:
«Սա ոչ թե պաշտոնական տեսակետ է, այլ իմ անձնականը: Ես կարծում եմ, որ դա անհրաժեշտ է՝ գանձարանը դրանից միայն կշահի: Քաղաքակիրթ նորմերի տեսակետից սա ընդունված պրակտիկա է: Իսկ թե ինչ լոգիստիկա կձեւավորվի ու ինչ միասնականություն կլինի ԵՏՄ հինգ երկրներում՝ ժամանակը ցույց կտա»,- ամփոփում է նա:
ԴՄԾ-ում համարում են, որ ապրանքների անտուրք ներկրման իջեցված նորմերը կարող են կարգուկանոն հաստատել ինտերնետային առեւտրի ոլորտում: Այսօր այն պետական պատշաճ հսկողությունից դուրս է՝ թե մաքսային տուրքերի, թե հարկային վճարների առումով, վստահեցնում են գերատեսչությունում:
Մաքսային ծառայությունն արդեն իր առաջարկներ ուղարկել է Ֆինանսների նախարար Անտոն Սիլուանովին: Բելյանինովը հույս է հայտնել, որ հարցը լուրջ քննարկման առարկա կդառնա Ֆինանսների նախարարությունում եւ Կառավարությունում:
