Ադրբեջանի մոբիլիզացիայի պետական ծառայությունը պարզաբանումներ է տվել համընդհանուր մոբիլիզացիա հայտարարելու լուրերի կապակցությամբ։
«Մեկնաբանելով համընդհանուր մոբիլիզացիայի մասին լուրերը՝ հայտարարում ենք, որ պահեստային զինծառայողների հետ պարբերաբար աշխատանք է տարվում։ Հիմա տեղերում հաշվառում ենք զինծառայողներին, դրա շուրջ ճշգրտումներ են տարվում»,- ասված է ծառայության հայտարարության մեջ, փոխանցում է haqqin.az-ը։
Հաղորդագրության մեջ նշվում է, որ եթե Ադրբեջանում մոբիլիզացիա հայտարարվի, այդ մասին կհայտնեն լրատվամիջոցներով։