Հումորիստ Միխայիլ Ժվանեցկին իր ազգանունը եւ ստորագրությունը Ռոսարտոնագրում գրանցել է որպես ապրանքանշաններ: Այդ մասին հայտնում է քաղաքային նորությունների «Մոսկվա» գործակալությունը` վկայակոչելով համապատասխան փաստաթղթերի պատճենները:
Փաստաթղթերի տեքստից հետեւում է, որ ապրանքանշանները գրանցվել են ըստ Ապրանքների եւ ծառայությունների միջազգային դասակարգման №33 կարգի, որի համաձայն, նման ապրանքանիշով կարող են սպիրտային խմիչքներ թողարկվել (բացառությամբ գարեջրի):
Հումորիստի ներկայացուցիչ Օլեգ Ստաշկեւիչը ճշտել է, որ ազգանունը եւ ստորագրությունը գրանցել են հենց «Ժվանեցկի» կոնյակի թողարկման համար:
«Առայժմ ուրիշ ոչինչ չի ենթադրվում», – նշել է նա: «Ժվանեցկի» կոնյակը 2015-ին առաջին անգամ թողարկել է Օդեսայի կոնյակի գործարանը:
