Առաջիկա տասնամյակում Եվրամիությանը Թուրքիային անդամակցությունը քիչ հավանական է: Այս մասին Մեծ Բրիտանիայի խորհրդարանում ունեցած ելույթում հայտարարել է այդ երկրի վարչապետ Դեւիդ Քեմերոնը:
Ըստ ՏԱՍՍ-ի, ավելի վաղ Քեմերոնը թերահավատորեն էր արտահայտվել Թուրքիայի քաղաքացիների համար ԵՄ տարածք առանց վիզայի մուտքի իրավունքի տրամադրման հարցով՝ հայտարարելով, որ Լոնդոնը չի սատարի այդ քայլը, եթե Բրյուսելը համաձայնություն տա:
Հիշեցնենք, որ Եվրահանձնաժողովը երաշխավորել է Թուրքիայի քաղաքացիների համար կարճաժամկետ ուղեւորությունների նպատակով ԵՄ երկրներ վիզային ռեժիմի չեղարկումը: ԵՀ-ում, սակայն, պարզաբանել են, որ դա կարող է տեղի ունենալ միայն այն դեպքում, եթե Անկարան կատարի 72 նախապայմաններից մնացյալ 5-ը, որոնք ներառված են Թուրքիայի եւ ԵՄ-ի միջեւ առանց վիզային ռեժիմի մասին համաձայնեցված գործողությունների ծրագրում:
