ЕТА բասկյան ահաբեկչական կազմակերպության նախկին պարագլուխներից մեկը 92 տարվա ազատազրկման է դատապարտվել 2014-ին գահից հրաժարված Իսպանիայի թագավոր Խուան Կառլոս Առաջինին սպանելու փորձի համար։ Համապատասխան որոշումը կայացրել է երկրի ազգային դատական կոլեգիան, փոխանցում է ՏԱՍՍ-ը։
Հաղորդվում է, որ Էնեկո Գոխեասկոետչեան մեղավոր է ճանաչվել 1997-ի հոկտեմբերին՝ Բիլբաոյում Գուգենհայմի ժամանակակից արվեստի թանգարան բացելու ժամանակ, միապետի դեմ մահափորձ կազմակերպելու համար։
Հարձակումը հաջողվել էր կանխել ոստիկանության խստացված հսկողության շնորհիվ։ Նրանք կարողացել էին նկատել թանգարանի մոտ քողարկված ֆուրգոնը, որի մեջ տարատեսակ զինամթերք է եղել, այդ թվում՝ հրացան։ Ձերբակալման պահին հրաձգություն էր սկսվել, որի ժամանակ զոհվել էր մեկ ոստիկան։
ЕТА կազմակերպությունը պայքարում է բասկերի տարածքների անկախության համար, որոնք ընդգրկում են Իսպանիայի հյուսիսային եւ Ֆրանսիայի հարավարեւմտյան շրջանները։