Մայիսի 6-ին, ժամը 16.27-ին տեղեկատվություն է ստացվել, որ Երեւան-Մեղրի Մ-2 ավտոճանապարհի 141-րդ կմ-ում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ բախվել են «Ֆորդ Տրանզիտ» մակնիշի 77 CD 177 պ/հ (վարորդ Ս. Ն., ծնվ.1953թ.) եւ «ՎԱԶ-21099» մակնիշի 24 DD 777 պ/հ (վարորդի տվյալները ճշտվում է) ավտոմեքենաները:
Մինչ հրշեջ-փրկարարների կանչի վայր հասնելը՝ «Ֆորդ Տրանզիտ» մակնիշի ավտոմեքենայի 2 ուղեւորները, «ՎԱԶ-21099» մակնիշի ավտոմեքենայի վարորդը եւ ուղեւորը տեղափոխվել են Վայք քաղաքի ԲԿ:
Հրշեջ-փրկարարները սահմանազատել են տարածքը, հոսանքազրկել են ավտոմեքենաները եւ իրականացրել ճանապարհի լվացման աշխատանքներ:
