Ռուսաստանի ԱԳ նախարար Սերգեյ Լավրովը լրագրողներին պատմել է, թե ՌԴ նախագահ Վլադիմիր Պուտինի եւ Ճապոնիայի վարչապետ Սինձո Աբեի հանդիպման ընթացքում պատվիրակություններն ինչ նվերներ են փոխանակել:
Ըստ Gazeta-ի, ռուսական կողմը Տոկիոյին է նվիրել նկարիչ Կեյգա Կավահարայի՝ ճապոնական բնաշխարհին նվիրված ստեղծագործությունների պատճենները: Իսկ Ճապոնայի պատվիրակությունը Ռուսաստանին է նվիրել Սուրբ Նիկոլայ ուղղափառ եկեղեցու ճապոնացի հոգեւորականի գիրքը եւ հեռադիտակ:
Ավելի վաղ հաղորդվել էր, որ Ռուսաստանի նախագահն ու Ճապոնիայի վարչապետը հանդիպման ընթացքում համաձայնություն են ձեռք բերել «2+2»՝ երկու երկրների պաշտպանության եւ արտաքին գործերի նախարարների ձեւաչափով հանդիպումները վերականգնելու մասին: